Pa słovach aŭstralijca Džefa Mitčeła, jon ubačyŭ dziŭnuju karcinu, kali jechaŭ pa hravijnaj darozie, i spyniŭsia, kab sfatahrafavać jaje.
Jak adznačaje mužčyna, na momant jaho prybyćcia abiedźvie źmiai byli miortvyja, niahledziačy na toje, što bolš drobnaj ź ich udałosia častkova vybracca praź dzirku ŭ ciele bolš bujnoj. Mitčeł ličyć, što jaje prarabiła niejkaja vonkavaja siła — naprykład, drapiežnik.
Łaviec źmiej ź Sidneja Rob Embraŭz ličyć, što čornaja źmiaja nijak nie mahła prajeści takuju adtulinu. Embraŭz rastłumačyŭ, što vypadki, kali adna źmiaja jeść inšuju — nie redkaść. Pavodle jaho viersii, kali karyčnievaja źmiaja zahłynuła čornuju, ich abiedźviuch pierajechała mašyna.
