Prahramist indyjskaha pachodžańnia Rubien Poł ciapier žyvie ŭ horadzie Ościn ŭ ZŠA i vučycca ŭ trecim kłasie škoły. Taksama jon vystupaje na mnostvie kanfierencyj ab infarmacyjnaj biaśpiecy i ŭznačalvaje ŭłasnuju kampaniju pa raspracoŭcy mabilnych prahram.
Historyju chłopčyka raspaviało vydańnie The Times of India.
facebook.com
Baćka chłopčyka śćviardžaje, što Rubien pačaŭ cikavicca infarmacyjnymi technałohijami, kali jamu było piać hadoŭ. Tady ž jon daviedaŭsia takija słovy, jak «fajervoł», i asvoiŭ navučalnuju movu prahramavańnia Scratch.
Paśla hetaha Rubien vyvučyŭ inšyja movy prahramavańnia i stvaryŭ svaju pieršuju mabilnuju prahramu — pamočnik dla rašeńnia školnych zadač pa matematycy. Zatym Rubien zasnavaŭ kampaniju Prudent Games dla vypusku mabilnych prahram. Sam Rubien staŭ jaje hienieralnym dyrektaram, a jaho baćka — biznes-partnioram i najomnym supracoŭnikam.
Taksama Rubien aktyŭna cikavicca pytańniami kibierbiaśpieki i ŭdzielničaje ŭ mnostvie kanfierencyj na hetuju temu. Jaho chvalujuć prablemy navučańnia dziaciej biaśpiecy ŭ siecivie.
facebook.com
Dla bolšaj pierakanaŭčaści Rubien prosta na kanfierencyjach pakazvaje, jak lohka abyjści «słabyja» paroli, i ŭzłomvaje nieabaronienyja sistemy. Da prykładu, niadaŭna jon udzielničaŭ u jakaści «śpiecyjalnaha pasła» ŭ Ground Zero Summit 2015 — najbujniejšaj u Azii kanfierencyi, pryśviečanaj kibierbiaśpiecy.
