Urad Indyi adklikaŭ licenziju arhanizacyi «Hrynpis» na pracu ŭ krainie. Adpaviednaja zajava źjaviłasia na sajcie ekałahičnaj arhanizacyi. U im havorycca, što ŭ «Hrynpis» jość 30 dzion, kab spynić pracu.
Va ŭradzie paćviardžajuć, što zahad ab zakryćci arhanizacyi sapraŭdy byŭ dadzieny.
Indyjskija ŭłady abvinavačvajuć arhanizacyju ŭ finansavych machinacyjach i falsifikacyi dadzienych. Akramia taho, łabisckuju hrupu vinavaciać u pahardzie indyjskim padatkovym zakanadaŭstvam i ŭ prasoŭvańni idej, jakija tarmoziać ekanamičny rost.
U «Hrynpis» zajaŭlajuć, što jany razam ź niekalkimi inšymi NKA stali achviaraj palityki ŭrada Indyi, nakiravanaj suprać treciaha siektara. Abvinavačvańni ŭ machinacyjach ekołahi nazyvajuć «hrubaj taktykaj» urada.
«Heta vynik hłybokaha nieprymańnia adroznych punktaŭ hledžańnia, jakim, zdajecca, vyłučajucca niekatoryja struktury ciapierašniaha ŭrada», — havorycca ŭ zajavie, padpisanaj časovym vykanaŭčym dyrektaram «Hrynpis» Vinutaj Hapalem.
Kala paŭhoda tamu indyjski ŭrad zamaroziŭ rachunki «Hrynpis», abvinavaciŭšy ekołahaŭ u parušeńni padatkovaha zakanadaŭstva i dziejańniach, jakija supiarečać ekanamičnym intaresam krainy.
Za apošnija miesiacy ŭrad Indyi ŭzmacniŭ patrabavańni, što pradjaŭlajucca da NKA, i zakryŭ kala 9 tysiač arhanizacyj za toje, što jany nie zadekłaravali achviaravańni, jakija prychodziać z-za miažy.
