Uładzimir Pucin pahadziŭsia z rekamiendacyjaj Fiederalnaj słužby biaśpieki prypynić paloty ŭ Jehipiet, paviedamiŭ pres-sakratar rasijskaha prezidenta Dźmitryj Piaskoŭ.
Prypynieńnie palotaŭ rasijskich samalotaŭ u Jehipiet datyčycca ŭsich rejsaŭ, u tym liku i ŭ Kair.
Raniej u piatnicu dyrektar FSB Alaksandr Bortnikaŭ zajaviŭ: «Da taho času, pakul my nie vyznačymsia z praŭdzivymi pryčynami zdareńnia, liču metazhodnym prypynić paloty rasijskaj avijacyi ŭ Jehipiet. Heta datyčycca pierš za ŭsio turystyčnaha kanała».
5 listapada brytanski premjer Devid Kemieran zajaviŭ, što choć na dadzieny momant niama poŭnaj upeŭnienaści ŭ tym, što rejs A321 rasijskaj avijakampanii «Kahałymavija» byŭ uzarvany, ale «zdajecca ŭsio bolš vierahodnym, što adbyłosia mienavita heta».
Brytanskija specsłužby miarkujuć, što bombu ŭ rasijski samalot A321, što raźbiŭsia na Sinai, mahli zakłaści pierad vyletam z Šarm-eš-Šejcha.
