Supracoŭniki adździeła pa baraćbie z ekanamičnymi złačynstvami prychodzili na kvateru da baćkoŭ Eduarda Łobava. Jak paviedamiła radyjo «Svaboda» maci byłoha palitviaźnia, Maryna Łobava, heta adbyłosia ranicaj 5 listapada. Dvoje pravaachoŭnikaŭ pytalisia ŭ žančyny, dzie jaje syn i kali jana bačyła jaho ŭ apošni raz. Adnak Maryna Łobava admoviłasia davać pakazańni. Milicyjanty taksama admovilisia kazać, ź jakoj nahody jany šukajuć jaje syna.
Raniej, 4 listapada da Łobavych prychodzili supracoŭniki kryminalnaha vyšuku i cikavilisia palityčnym aktyvistam, nibyta źviazanym sa złačynstvam pa artykule 206 (abrabavańnie). Taksama rodnym byłoha palitviaźnia telefanavali sa śledčaha adździeła.
Były palitviazień Eduard Łobaŭ naprykancy lipienia tajemna pierajechaŭ va Ukrainu i dałučyŭsia da dobraachvotnikaŭ, jakija zmahajucca z rasijskimi sieparatystami.
Eduard Łobaŭ uvachodzić u skład dobraachvotnickaha bataljona «Pravaha siektara», jaki raźmieščany pad Maryupalem.
