16 listapada a 18.30 ŭ Domie pravoŭ čałavieka ŭ Vilni adbudziecca prezientacyja knihi Viktara Marcinoviča «Radzima. Mark Šahał u Viciebsku». Arhanizataram mierapryjemstva źjaŭlajecca Studenckaje pradstaŭnictvaJeŭrapiejskaha humanitarnaha univiersiteta pry padtrymcy Biełaruskaha Doma pravoŭ čałavieka.
Čarhovaja kniha znakamitaha biełaruskaha prazaika stała vynikam jaho napružanaj 15-hadovaj pracy. Asnovaj tvora źjaŭlajecca supiarečlivaja historyja vybitnaha mastaka XX stahodździa Marka Šahała. Praces napisańnia knihi składaŭsia z šmathadovych daśledavańniaŭ Viciebskaj mastackaj škoły, ŭsiebakovaha analizu faktyčnaha materyjału z archivaŭ i bijahrafičnych dadzienych pra žyćcio adnaho z samych jarkich uradžencaŭ Biełarusi.
Mark Šahał amal usio svajo žyćcio pravioŭ u emihracyi, stvarajučy svaje šedeŭry, prasiaknutyja biełaruskimi matyvami, za miežami krainy. Kniha «Radzima. Mark Šahał u Viciebsku» kancentrujecca mienavita na «viciebskim» pieryjadzie žyćcia mastaka (1914-1915 hh., 1918-1920 hh.).
Niezrazumiety i niepryniaty suajčyńnikami pry žyćci, ekśpierymientatar pakinuŭ paśla siabie spadčynu, jakaja ciapier na jaho małoj radzimie ličycca biełaruskaj. Adno z centralnych pytańniaŭ, padniatych ŭ knizie Marcinoviča: čamu my nie cenim svajo i čamu našy talenavityja ziemlaki nie znachodziać pryznańnia na Radzimie?
Viktar Marcinovič - biełaruski mastactvaznaŭca i publicyst, aŭtar našumiełych ramanaŭ «Paranoja», «Ściudziony vyraj», «Sfahnum», «Mova». U 2008 hodzie litaratar abaraniŭ doktarskuju dysiertacyju na temu «Viciebski avanhard (1918-1922): sacyjakulturny kantekst i mastackaja krytyka» ŭ Vilenskaj Akademii Mastactvaŭ. Piśmieńnik taksama źjaŭlajecca vykładčykam Jeŭrapiejskaha humanitarnaha ŭniviersiteta i aktyŭna supracoŭničaje ź im, u tym liku rehularna pravodzić lekcyi, majstar-kłasy i prezientacyi.
16 listapada čytačy atrymajuć unikalnuju mahčymaść sustrecca ź Viktaram Marcinovičam asabista i sfarmavać svajo bačańnie zakranutaj prablemy.
Usich, chto žadaje pryjści, prosim zarehistravacca pa adrasie [email protected]