Biełaruskaja «Biełavija» vykanaje ŭ subotu dva rejsy ŭ Churhadu, adnosna rejsaŭ u Šarm-eš-Šejch rašeńnie budzie pryniata ŭ bližejšyja sutki, paviedamiŭ u piatnicu namieśnik hiendyrektara avijakampanii Ihar Čarhiniec.
«Zaŭtra my vykanajem dva rejsy ŭ Churhadu. Nakolki my viedajem, pretenzii jość da aeraporta Šarm-eš-Šejcha», — skazaŭ Čarhiniec.
Jon rastłumačyŭ, što ŭ subotu u «Biełavija» nie zapłanavana rejsaŭ u Šarm-eš-Šejch. Bližejšy rejs u hety horad zapłanavany na niadzielu. «Rejs ŭ Šarm-eš-Šejch zapłanavany na paślazaŭtra, i zaŭtra my vyrašym, što ź im rabić», — skazaŭ pradstaŭnik «Biełavija».
Jak paviedamiŭ RIA Naviny raniej u piatnicu dyrektar departamienta pa avijacyi ministerstva transpartu i kamunikacyj Biełarusii Uładzimir Kościn, Biełaruś pakul nie budzie — uśled za RF — zabaraniać svaim avijakampanijam paloty ŭ Jehipiet, bo biełaruskija samaloty laciać pa biaśpiečnym maršrucie. Pry hetym Kościn padkreśliŭ, što biełaruskija avijacyjnyja ŭłady nadaduć dadatkovuju ŭvahu biaśpiecy ŭ aeraportach. Pavodle jaho słoŭ, u paniadziełak budzie sklikana narada z avijakampanijami, na jakim budzie vypracavana rašeńnie.