Za apošnija niekalki hadoŭ pamiž Biełaruśsiu i Vialikabrytanijaj paznačyŭsia značny prahres u adnosinach, zajaviŭ pasoł Złučanaha Karaleŭstva Brus Bakneł 6 listapada ŭ Minsku pierad pačatkam pryjomu, pryśviečanaha premjery novaha filma pra Džejmsa Bonda. 

«Kali ja pryjechaŭ u Biełaruś, adnosiny pamiž uradami našych krain byli nie vielmi ciopłymi, ale z taho času ja baču značny zruch i palapšeńnie, — skazaŭ jon. — Prahres jość i ŭ adnosinach pamiž dźviuma krainami, i ŭ miežach adnosin pamiž Biełaruśsiu i Jeŭrapiejskim sajuzam». 

Pavodle słoŭ Bakneła, šmat chto ličyć, što paciapleńnie pavinna nastupić «niejak adrazu i raptam», ale heta doŭhi praces dypłamatyi. «Na samoj spravie adnosiny ŭ nas palapšajucca pavolna, pastupova, — skazaŭ jon. — U mai hetaha hoda Biełaruś ustupiła ŭ Bałonski praces, i, pa-mojmu, heta znak upeŭnienaści ŭ tym, što my možam pačać pracavać razam unutry mižnarodnych arhanizacyj». 

Bakneł adznačyŭ, što paśla zaviaršeńnia jaho paŭnamoctvaŭ u Biełarusi pra vyniki svajoj pracy tut jon napiša ŭ svaim błohu. Pra što mienavita — «siurpryz». 

«Svajoj pierajemnicy Fionie Hib ja chacieŭ by paraić, kab jana bolš daviedvałsia pra Biełaruś, — padkreśliŭ jon. — Viedy — heta vielmi važna, bo Biełaruś — heta dźvie realnaści. Minsk — adna realnaść, a za MKADam heta ŭžo moža być inšaja kraina, inšyja ŭmovy žyćcia. U abłaściach, pa-za haradami žyćcio biadniejšaje, čym u stalicy. Taksama ja žadaju joj ciarpieńnia, a taksama razmaŭlać ź ludźmi, čuć ludziej». 

Pavodle słoŭ dypłamata, biełaruskaja kultura krychu padobnaja na kulturu Vialikabrytanii. «Ludzi tut, jak i ŭ Anhlii, krychu intravierty, a Biełaruś i jaje kultura — niedaacenienyja», — dadaŭ pasoł. 

Novy pasoł Vialikabrytanii ŭ Biełarusi Fiona Hib pačnie pracu ŭ studzieni 2016 hoda.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?