Polskija źniavolenyja. Fota PAP/CAF/Archiwum

Polskija źniavolenyja. Fota PAP/CAF/Archiwum

Jak paviedamiŭ siońnia pres-sakratar Ahienctva ŭnutranaj biaśpieki pałkoŭnik Maciej Karčyński, dakumient kiraŭnik AUB atrymaŭ padčas sustrečy ź biełaruskim KDB, na jakoj taksama prysutničaŭ kaardynatar polskich śpiecsłužbaŭ, ministr Marek Biarnacki. «Dakumient byŭ pieradadzieny ŭ jakaści akta dobraj voli ź biełaruskaha boku», — adznačyŭ Karčyński.

Jon rastłumačyŭ, što heta kopija dakładu miascovaha kiraŭnictva na imia narkama ŭnutranych spraŭ SSSR Łaŭrencija Bieryi. U im idzie havorka pra piać miescaŭ, kudy mahli b być adpraŭlenyja palaki, uziatyja ŭ pałon savieckimi vojskami ŭ pačatku Druhoj suśvietnaj vajny. Łahiery ŭ Arechavie, Radaškovičach, Stoŭbcach, Cimkavičach i Žytkavičach mahli źmiaścić da 10 tysiač čałaviek.

«U dakładzie taksama havorycca ab padrychtoŭcy hetych miescaŭ. Paznačanyja imiony ludziej, jakija za jaje pavinny byli adkazvać, — skazaŭ pres-sakratar AUB. — Havorycca taksama, što paźniej pałonnych płanavałasia adpravić u Kazielski łahier».

Dakumient budzie pieriedadzieny ŭ Instytut nacyjanalnaj pamiaci, jaki zojmiecca jaho vyvučeńniem. Spravazdača moža dapamahčy ŭ pošuku pakul nie znojdzienaha t.zv. Biełaruskaha katynskaha śpisu.

Hety śpis, jaki historyki ličać adnoj z najvialikšych tajamnic katynskaha rasstrełu 1940 hoda, tyčycca 3870 polskich hramadzian (z kala 22 tysiač ŭsich achviar Katyni).

Paśla savieckaha ŭvarvańnia ŭ Polšču 17 vieraśnia 1939 hoda jany byli aryštavanyja NKUS va ŭschodnich vajavodstvach, a zatym zabityja pa zahadzie Stalina — chutčej za ŭsio, u turmie NKVD u Minsku. Mierkavanym miescam pachavańnia palakaŭ źjaŭlajecca ŭročyšča Kurapaty pad Minskam, jakoje było miescam pachavańnia achviar NKUS u 1937-1941 hady.

Lik 3870 u Biełaruskim katynskim śpisie źviazany z zapiskaj 1959 hoda ad staršyni KDB Alaksandra Šalepina na imia sakratara CK KPSS Mikity Chruščova. U zapiscy Šalepin paviedamlaje, što ŭ savieckich Biełarusi i Ukrainie było zabita 7305 polskich hramadzian, a ŭ dobra viadomym Ukrainskim śpisie znachodzicca 3435 imionaŭ. 3870 — heta adsutnyja imiony achviaraŭ ź Biełaruskaha katynskaha śpisu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?