leparisien.fr
Stali viadomyja asoby troch padazravanych u datyčnaści da teraktaŭ, jakija adbylisia ŭ Paryžy ŭ noč na 14 listapada. Imia adnaho śmiarotnika raskryŭ mer francuzskaha horada Šartr Žan-Pjer Žorž na svajoj staroncy ŭ Facebook, a jašče dvaich - apublikavali ŚMI sa spasyłkaj na svaje krynicy.
Pa dadzienych kiraŭnika horada, adnym z terarystaŭ staŭ hramadzianin Francyi 29-hadovy Mastefa Ismaił Amar (Mostefai Ismael Omar). Jaho baćka i brat raniej byli zatrymanyja. «U Šartry jon pražyvaŭ jak minimum z 2012 hoda», — napisaŭ Žorž.
Pa dadzienych prakuratury Paryža, Amar naradziŭsia ŭ nasielenym punkcie Kurkuron (departamient Eson), niedaloka ad Paryža. U 2004-2010 hodzie vosiem razoŭ pryciahvaŭsia da adkaznaści, ale ni razu nie siadzieŭ u turmie. Jak miarkujecca, jon znachodziŭsia ŭ Siryi zimoj 2013-2014 hoda. Viadoma, što teraryst byŭ na kantroli ŭ francuzskich śpiecsłužbaŭ.
Siarod śmiarotnikaŭ taksama ličycca Abdułakbak B. (Abbdulakbak B.), pobač ź ciełam terarysta, jaki padarvaŭ siabie la stadyjona «Stad de Frans», byŭ znojdzieny siryjski pašpart. Pa dadzienych haziety Le Figaro, mužčyna naradziŭsia ŭ 1990 hodzie, jon nie traplaŭ u pole zroku francuzskich śpiecsłužbaŭ. Inšaja infarmacyja nie pryvodzicca.
Imia treciaha terarysta apublikavała sierbskaja hazieta Blic. Vydańnie paviedamiła, što hramadzianin Siryi Achmied Ałmochamied (Ahmad Almohammad), vierahodna, byŭ arhanizataram teraktaŭ. Adznačajecca, što jon apynuŭsia na terytoryi Hrecyi 3 kastryčnika, paśla čaho ŭ składzie hrupy biežancaŭ pierajšoŭ u Sierbiju ŭ rajonie nasielenaha punkta Miratovac z boku Makiedonii. Pa dadzienych haziety, jon byŭ zarehistravany ŭ horadzie Prešava i padaŭ farmalnuju zajavu na pradastaŭleńnie prytułku.
