Pjany mužčyna raźbiŭ kamieru kantrolu chutkaści. Zdareńnie adbyłosia 14 listapada ŭ Breście. Jak paviedamlaje pres-słužba ŭpraŭleńnia DAI Bresckaj vobłaści, kala 13-j hadziny na vulicy Varšaŭskaja šaša hramadzianin, «z chulihanskich mierkavańniaŭ», paškodziŭ mabilny datčyk.
Mužčyna nanios pa abstalavańniu try ŭdary nieviadomym pradmietam, paśla čaho pasprabavaŭ schavacca ŭ bližejšym lesie. Adnak kala raki Muchaviec jaho zatrymaŭ technik kampanii «Biaśpiečnyja darohi Biełarusi», jaki ažyćciaŭlaŭ kantrol za pracaj kamiery.
Paźniej 32-hadovaha žychara abłasnoha centru zabrali pravaachoŭniki. Na miescy zdareńnia pracavali supracoŭniki DAI i śledčyja, adnak, ci była raspačata kryminalnaja sprava, pakul nie paviedamlajecca.
Pryblizny košt paškodžanaha abstalavańnia składaje kala 482 miljonaŭ rubloŭ.
