Fota Siarhieja Hudzilina
U matčy 30-ha tura pieršaj lihi čempijanatu Biełarusi napałovu amatarski kłub «Krumkačy» na svaim poli abyhraŭ mahiloŭski «Dniapro» (2:0).
Takim čynam, «Krumkačy» ŭpieršyniu ŭ svajoj historyi zavajavali pucioŭku ŭ vyšejšuju lihu, zaniaŭšy treciaje miesca ŭ pieršaj lizie.
Haspadary zabili miačy na 74-j i 76-j chvilinach. Za niekalki chvilin da pieršaha hoła amatary futboła zastalisia bieź internet-tranślacyi matča na sajcie fiederacyi futboła: miač trapiŭ u aparaturu.
Fota Siarhieja Hudzilina
U 2014 hodzie «Krumkačy» padali zajaŭku ŭ druhuju lihu i adrazu vyjšli ŭ pieršuju. Kab patrapić u vyšejšuju lihu kamandzie, jakuju ciapier treniruje viadomy biełaruski śpiecyjalist Aleh Dułub, taksama chapiła adnaho siezonu.
Asnoŭnaje pytańnie, jakoje pryjdziecca vyrašać «Krumkačam» u mižsiezońnie, — vykanańnie ŭmovaŭ licenzavańnia. U advarotnym vypadku fiederacyja futboła moža nie dazvolić kamandzie, jakaja praktyčna nie maje infrastruktury, vystupić u vyšejšaj lizie. Jaje miesca zojmie kłub, jaki idzie na bolš nižejšaj pazicyi i adpaviadaje hetym patrabavańniam, u pryvatnaści «Dniapro».
Raniej pucioŭki ŭ vyšejšuju lihu zavajavali «Haradzieja» i «Isłač». Praz toje, što ŭ nastupnym siezonie top-dyvizijon pašyrajecca z 14 da 16 kamand, jaho pakinuła tolki adna kamanda («Homiel»).
