U niadzielu ranicaj francuzskaja palicyja znajšła druhi aŭtamabil ekstremistaŭ, jakija ździejśnili napad ŭ Paryžy ŭ piatnicu viečaram.
Fota @RBaheux
Čorny Seat byŭ znojdzieny ŭ paryžskim pryharadzie Mantroj. Heta dazvalaje vykazać zdahadku, što niekatorym terarystam udałosia źbiehčy. Apisańnie hetaha aŭtamabila daŭ raniej adzin ź vidavočcaŭ napadu.
Bitaje škło vakoł znojdzienaha aŭtamabila. Fota @RBaheux
Francuzskija ŚMI sa spasyłkaj na krynicy ŭ pravaachoŭnych orhanach, paviedamlajuć, što ŭ aŭtamabili taksama znojdzienyja niekalki aŭtamataŭ Kałašnikava, jakija, vierahodna, byli vykarystanyja padčas napadu.
U subotu pobač z kancertnaj zalaj «Batakłan» byŭ znojdzieny pieršy aŭtamabil — Volkswagen Polo, zarehistravany ŭ Bielhii i ŭziaty tam naprakat. Try čałavieki aryštavanyja ŭ Bielhii ŭ suviazi z teraktam ŭ Paryžy.
