Raniej ŚMI ahučyli imiony troch paryžskich terarystaŭ. Paviedamlałasia, što znojdzienyja dva siryjskija pašparty.
Aficyjna apaznany pakul adzin z terarystaŭ — 29-hadovy francuz Ismaił Amar Mastefa. Jaho apaznali pa adbitku adarvanaha palca, znojdzienaha na miescy stralby ŭ kłubie Bataclan.
Fota Reuters
Siońnia ž ułady paćvierdzili, što dva siryjskija pašparty, znojdzienyja pobač ź ciełami śmiarotnikaŭ, byli falšyvymi. Raniej amierykanskija krynicy śćviardžali, što ličbavy kod na adnym z pašpartoŭ nie adpaviadaje tym, što vykarystoŭvajucca ŭ realnych siryjskich dakumientach, a fatahrafija nie adpaviadaje tamu imia, što paznačana ŭ dakumiencie. MUS Sierbii paviedamlaŭ, što imia na pašparcie naležyć biežancu, jaki prajšoŭ u ES praź miežy Hrecyi i Sierbii 7 kastryčnika hetaha hoda, pieradaje Reuters.
Pavodle francuzskich ŚMI, falšyvyja dakumienty byli vyrablenyja ŭ Turcyi.
Pa apošnich aficyjnych dadzienych, ataki terarystaŭ u Paryžy i pablizu stadyjona Stade de France pryviali da hibieli 129 čałaviek. Samyja strašnyja padziei razharnulisia ŭ kancertnaj zale Bataclan, jakaja źmiaščaje paŭtary tysiačy čałaviek. Terarysty zachapili ŭ zakładniki hledačoŭ, jakija pryjšli na vystup amierykanskaha rok-hurta Eagles of Death Metal. Potym pačali rasstrelvać hledačoŭ, zahinuli kala 90 čałaviek.
Fota Reuters
Dvoje śmiarotnikaŭ zahinuli pry vybuchach la ŭvachodu na stadyjon Stade de France. Amierykanskaja New York Times piša, što prynamsi ŭ hetaj hrupie pajasy śmiarotnikaŭ byli adnolkavyja: u ich vykarystoŭvałasia adnatypnaja vybuchoŭka TATP i ćviki ŭ jakaści paražalnaha elemienta.
Taksama terarysty rasstralali naviedvalnikaŭ niekalkich kafe ŭ dvuch akruhach Paryža.
Prezident Francyi Fransua Aland ŭvioŭ nadzvyčajnaje stanovišča, ŭzmacniŭ kantrol na miežach krainy. U Francyi abjaŭlena trochdzionnaja žałoba.
