Foto Reuters
Prezidenty Uładzimir Pucin Barak Abama abmianialisia pociskam ruki na samicie G20 u tureckaj Antalji, paviedamlaje RIA Novosti.
Lidary dźviuch krain taksama pahutaryli pierad sumiesnym fatahrafavańniem. Maskva nie vyklučaje, što jany zmohuć pahutaryć u ramkach mierapryjemstvaŭ u Turcyi, adnak farmalna sustreča Pucina i Abamy na samicie G20 nia ŭzhadniałasia.
Paźniej razmova prezidentaŭ adbyłasia padčas paŭzy pamiž sustrečaj kiraŭnikoŭ dziaržaŭ BRICS i rabočym pasiedžańniem samitu G20. Hutarka dvuch palitykaŭ praciahvałasia kala 20 chvilin, pobač z Pucinym i Abamam znachodzilisia tolki pierakładčyki.
Jak paviedamlaje Reuters, lidary krain G20 damovilisia ŭzmacnić achovu miežaŭ i pavysić avijacyjnuju biaśpieku ŭ suviazi z teraktami ŭ Paryžy.
U paviedamleńni havorycca, što lidary krain asudzili terakty ŭ Francyi i zajavili, što praciahnuć sumiesnuju baraćbu z teraryzmam.
U prahramie samitu, dzie pavinny abmiarkoŭvacca pytańni ekanomiki i źmieny klimatu, źmienaŭ niama. Adnak, jak paviedamiła brytanskaja hazieta The Guardian sa spasyłkaj na svaje krynicy, na G20 budzie abmiarkoŭvacca pytańnie ab supraćdziejańni praniknieńniu bajevikoŭ ID ŭ Jeŭropu pad vyhladam biežancaŭ.
Na sustreču nie pryjedzie prezident Francyi Fransua Aland, jaki spasłaŭsia na nieabchodnaść svajoj prysutnaści ŭ Paryžy ŭ trahičny dla krainy momant.
Fota Getty
Fota EPA/UPG
Fota EPA/UPG
Fota Reuters
Fota EPA/UPG
Fota EPA/UPG
Fota EPA/UPG
Fota EPA/UPG
Fota EPA/UPG
Fota EPA/UPG
Fota EPA/UPG
Fota EPA/UPG
Fota EPA/UPG