Isłamskija terarysty, jakija atakavali Paryž, karystalisia mabilnaj aplikacyjaj Telegram dla kaardynavańnia dziejańniaŭ.

Telegram — biaspłatny miesiendžar dla smartfonaŭ i inšych pryład, jaki dazvalaje abmieńvacca tekstavymi paviedamleńniami i miedyjafajłami roznych farmataŭ. Faktyčna heta anałah skajpa i miesiendžara fejsbuku. Servis aryjentavany na mižnarodny rynak, maje multymoŭny interfiejs. Aplikacyja finansujecca zasnavalnikam «Ukantakcie» — Paŭłam Duravym. Akaŭnty karystalnikaŭ pryviazvajucca da telefonnych numaroŭ. 

Užo nie adnojčy sacyjalnyja sietki dakazvali nam, što my nie abaronienyja ad uzłomu i našyja dadzienyja mohuć być u luby čas vykarystany ŭ čužych metach. Isłamskija terarysty heta ŭličvajuć. Telegram maje roznyja mahčymaści dla biaśpiečnych sposabaŭ pieradačy infarmacyi.

Mienavita ŭ «Telehramie» isłamisty ŭ ahulnym čacie zajavili, što «14 listapada stanie 11 vieraśnia dla Francyi», i paabiacali, što nastupnyja mety — Rym, Łondan i Vašynhton.

Dziejnaść isłamistaŭ u sacyjalnych sietkach adsočvajuć śpiecyjalnyja centry ŭ Jeŭropie i ZŠA. U režymie realnaha času jany pravodziać manitorynh i šukajuć materiały, źviazanyja ź isłamistami — pierapiski, fota i videa.

Ciapier u Telegram bolš za 30 kanałaŭ džychadzistaŭ, z dapamohaj jakich tranślujucca paviedamleńni na arabskaj, anhlijskaj, francuzskaj, niamieckaj, tureckaj, kurdskaj, indaniezijskaj, baśnijskaj, ruskaj, bienhalskaj movach i movie urdu. Dla paraŭnańnia: u adnaho z papularnych anhłamoŭnych kanałaŭ bajevikoŭ — bolš za 10500 padpisčykaŭ, a ŭ jaho ruskamoŭnaha anałaha — bolš za try tysiačy.

Isłamisty vykarystoŭvajuć Telegram dla vykupu pałonnych. Jany robiać abmiežavanyja pa časie prapanovy i ŭkazvajuć numar u «Telehramie», pa jakim možna źviazacca z terarystami.

Dyk čamu jany vykarystoŭvajuć Telegram? Bo heta samaja biaśpiečnaja sacyjalnaja sietka dla ich. Facebook, YouTube i Twitter aktyŭna vydalajuć usiu ich dziejnaść, jakuju jany viaduć na ich płatformach.

Administracyja Telegram nie robić nijakich krokaŭ dla baraćby z terarystami: u aficyjnym FAQ miesiendžara paviedamlajecca, što administracyja vydalaje supraćpraŭny publičny kantent, da jakoha čamuści adnosiacca nabory stykieraŭ i boty, ale nijak nie ekstremisckija videa, fota i audyjopadkasty.

Adnak błakavańni nijak nie tyčacca žyvych karystalnikaŭ i ŭžo tym bolš hrupavych čataŭ Channels. Telegram Channels — funkcyja stvareńnia publičnych hrupavych čataŭ. A heta značyć — nieabmiežavanaja kolkaść udzielnikaŭ, spasyłku na jaho možna apublikavać dziakujučy pastajannamu URL, a kožny post vałodaje ŭłasnym ličylnikam prahladaŭ. Biezumoŭna, što takija praviły kampanii całkam zadavalniajuć i samaje žachlivaje — dazvaluć płanavać terarystyčnyja akty ŭ roznych krainach.

Što tyčycca techničnaj častki zabiaśpiečeńnia achovy dadzienych, to jana zroblena na vysokim uzroŭni. Absalutna ŭsia dasyłanaja ŭ miesiendžary infarmacyja aŭtamatyčna abaroniena pratakołam MTProto, prydumanym bratam Paŭła Durava. Usie paviedamleńni prachodziać niekalki ŭzroŭniaŭ šyfravańnia na stadyjach adpraŭki na siervier i ad karystalnika da karystalnika. Bolš za toje, u 2013 hodzie ŭ Telegram źjaviłasia opcyja Secret Chats, dzie tolki adpraŭnik i atrymalnik paviedamleńniaŭ vałodajuć supolnym klučom dla ich rasšyfroŭki. Sama pierapiska pry hetym traplaje na siervier va ŭžo zašyfravanym vyhladzie.

U niekatorych krainach užo daŭno robiacca sproby błakavańnia «Telehrama». Sam ža Pavał Duraŭ ličyć, što «Telehram» nie vinavaty, bo terarysty znajšli b inšyja sposaby pieradačy i šyfravańnia infarmacyi. Pry hetym palityka kampanii nie mianiajecca — pierapisku isłamistaŭ jany nie vydalajuć, schavanyja pierapiski nie ŭzłomvajuć. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?