Amal 430 prapanoŭ pastupiła ad žycharoŭ biełaruskaj stalicy pa horadabudaŭničym prajekcie «Hienieralny płan Minska (karekciroŭka)». Ab hetym paviedamiŭ staršynia kamiteta architektury i horadabudaŭnictva Minharvykankama Pavieł Łučynovič siońnia na apieratyŭnaj naradzie ŭ meryi.

Hramadskaje abmierkavańnie stratehičnaha dla stalicy dakumienta pravodziła UP «Minskhrada» z 12 kastryčnika pa 13 listapada. «Heta ŭ try razy daŭžej, čym taho patrabuje zakanadaŭstva. Akramia taho, abmierkavańnie było pradoŭžana jašče na tydzień u suviazi z vysokaj cikavaściu minčan», — zaŭvažyŭ kiraŭnik profilnaha kamiteta meryi.

Pavodle jaho słoŭ, u abmierkavańni hienpłana pryniało ŭdzieł amal 3 tys. čałaviek. Kožny dzień prezientacyju naviedvała amal 100 čałaviek. «Była zaviedziena kniha dla prapanoŭ i zaŭvah. U piśmovym vyhladzie pastupiła 428 prapanoŭ, u tym liku ŭ formie asobnych pisiem — 103 prapanovy. Taksama pastupili 2 piśmovyja kalektyŭnyja zvaroty, jakija datyčylisia ekałahičnaj prablematyki, znosu siadzibnaj zabudovy», — prainfarmavaŭ Pavieł Łučynovič.

Dźvie treci prapanoŭ składajuć pytańni znosu, zachavańnia siadzibnaj zabudovy, 5 pracentaŭ - znosu šmatkvaternych małapaviarchovych damoŭ. Akramia taho, minčan cikaviać pytańni terminaŭ znosu, atrymańnia dazvołaŭ na rekanstrukcyju i dobraŭparadkavańnie siadzibnaj zabudovy, a taksama pradastaŭleńnia roznych vidaŭ kampiensacyi za žyllo, jakoje znosicca.

«Minskhrada» i kamitet architektury i horadabudaŭnictva Minharvykankama zaviaršyli raspracoŭku hienpłana stalicy z ulikam pastaŭlenych kiraŭnikom dziaržavy zadač. Hetyja zadačy znajšli adlustravańnie ŭ prajektnych rašeńniach płana. Siarod pryjarytetnych Pavieł Łučynovič nazvaŭ skaračeńnie da 2019 hoda štohadovych abjomaŭ budaŭnictva žylla da 600 kv.m i budaŭnictva žylla za košt raźvićcia haradoŭ-spadarožnikaŭ dla 100-120 tys. žycharoŭ horada, vyklučeńnie dla horadabudaŭničaha vykarystańnia isnujučych u miežach horada sielskahaspadarčych ziamiel. Taksama praduhledžvajecca efiektyŭnaje vykarystańnie isnujučych vytvorčych płoščaŭ vytvorčych pradpryjemstvaŭ, madernizacyja, transfarmacyja, raźvićcio i stvareńnie novych, u asnoŭnym u zachodnim siektary Minska, pakolki ŭ hetym siektary horada skancentravany asnoŭnyja pracoŭnyja resursy. Praduhledžvajecca rekanstrukcyja małapaviarchovaj siadzibnaj zabudovy ź vialikim fizičnym znosam, raźvićcio transpartnaj infrastruktury horada.

«Ciapier atrymany ŭzhadnieńni amal usich zacikaŭlenych ministerstvaŭ i viedamstvaŭ. Idzie rabota ź Minabłvykankamam i Ministerstvam architektury i budaŭnictva. Składzieny hrafik uzhadnieńnia zaćviardžeńnia hienpłana», — skazaŭ staršynia kamiteta.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?