Uładzimir Kažeŭnikaŭ — heta supracoŭnik ministerstva abarony Biełarusi, adzin z redaktaroŭ ahienctva «Vajar», jaki niadaŭna prasłaviŭsia svaimi razvahami pra biełaruski hierb «Pahonia» i publikacyjami ŭ sacsietkach. 

U svaim fejsbuku i tvitary Kažeŭnikaŭ rabiŭ reposty z antybiełaruskimi i antyŭkrainskimi vykazvańniami, uparta nazyvaŭ Biełaruś «Biełoruśsijej» i śćviardžaŭ, što navat «Baćka i jahonyja prapahandysty nie zmohuć źmianić praviłaŭ rasijskaj movy». 

Taksama Kažeŭnikaŭ davodziŭ, što Simfieropal, Maskva i Minsk znachodziacca ŭ adnoj krainie, a biełaruskaj movy nie isnuje — jość «zachodnieruskaja». 

Na padstavie hetych dopisaŭ prynamsi adzin čałaviek napisaŭ u Ministerstva abarony zvarot z prośbaju patłumačyć vykazvańni supracoŭnika Kažeŭnikava. 

I voś siońnia ŭ fejsbuku apublikavany adkaz ź ministerstva. (Svoj tvitar-akaŭnt Kažeŭnikaŭ, darečy, užo vydaliŭ).

U im napisana, što z Kažeŭnikavym «praviedzienaja razmova pra nieabchodnaść užyvańnia ahulnapryniataj nazvy krainy — Respublika Biełaruś».

Aproč taho, Kažeŭnikavu nibyta paraili «źviarnuć uvahu na navukovyja pracy biełaruskich vučonych, pryśviečanyja pytańniam pachodžańnia i stanaŭleńnia biełaruskaj movy». 

Ale razam z tym u Ministerstvie abarony adznačyli, što Kažeŭnikaŭ, jak hramadzianin, maje prava vykazvać svaje pohlady ŭ sacyjalnych sietkach. 

Ekstremizmu ŭ publikacyjach Kažeŭnikava nie znajšli. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?