Bank raźvićcia ŭ miežach prahramy padtrymki małych i siarednich pradpryjemstvaŭ 16 listapada adkryŭ liniju kredytavańnia startap-prajektaŭ. Pra heta paviedamiła načalnik siektara arhanizacyi finansavańnia małoha i siaredniaha pradprymalnictva Banka raźvićcia Julija Kavieckaja, vystupajučy na V Mižnarodnym forumie pradprymalnictva ŭ Minsku. 

«Bank raźvićcia raspracavaŭ asobny miechanizm dla znoŭ stvoranych pradpryjemstvaŭ, jaki, jak čakajecca, stanie impulsam dla raźvićcia novych vysokaefiektyŭnych i kankurentazdolnych pradpryjemstvaŭ», — skazała Kavieckaja. Pavodle jaje słoŭ, pryncypovym adroźnieńniem novaha praduktu źjaŭlajecca nižejšaja pracentnaja staŭka, čym pa astatnich prapanovach u miežach prahramy: 0,5 staŭki refinansavańnia plus 4 pracentnyja punkty. 

«My ličym, što pakryćcio pracentnaj staŭkaj tolki inflacyjnych čakańniaŭ i zatrat źjaŭlajecca spraviadlivym u adnosinach da kampanij-pačatkoŭcaŭ», — skazała śpiecyjalist. 

Pretendavać na kredyt Banka raźvićcia mohuć startap-kampanii, jakija ažyćciaŭlajuć svaju dziejnaść mienš čym hod z momantu rehistracyi, a taksama kampanii, zarehistravanyja raniej, ale jakija viaduć finansava-haspadarčuju dziejnaść mienš jak hod. 

Načalnik siektara Banka raźvićcia taksama anansavała mahčymaje adkryćcio ŭ nastupnym hodzie kredytnaj prahramy dla pradprymalnikaŭ u zamiežnaj valucie za košt srodkaŭ kredytnaj linii Suśvietnaha banka. Pradstaŭnik SB Jochana Džahier udakładniła, što prahrama moža być adkrytaja ŭ siaredzinie lipienia 2016 hoda. 

Pavodle słoŭ Kavieckaj, ahulny abjom finansavańnia prahramy padtrymki małoha i siaredniaha pradprymalnictva Bankam raźvićcia ŭ 2016 hodzie płanujecca pavialičyć da 800 młrd. rubloŭ. 

Prahrama padtrymki MSP, u miežach jakoj Bank raźvićcia kredytuje pradprymalnikaŭ praz 11 bankaŭ-partnioraŭ, startavała ŭ žniŭni 2014 hoda. Na realizacyju 400 inviestprajektaŭ małoha i siaredniaha biźniesu praź jaje ŭžo vydzielena bolš jak 2 trłn rubloŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?