Rasijski prezident Uładzimir Pucin na pres-kanfierencyi paśla zaviaršeńnia samitu «Vialikaj dvaccatki» ŭ tureckaj Antalji abvinavaciŭ niekatoryja krainy G20 ŭ zaklučeńni naftavych ździełak z ekstremisckaj arhanizacyjaj «Isłamskaja dziaržava».

Kažučy pra krynicy finansavańnia džychadzistaŭ, Pucin raspavioŭ pra zdymki z kosmasu, na jakich, pa jaho słovach, «jasna vidać, jakija maštaby nabyvaje niezakonny handal naftaj i naftapraduktami». Jak skazaŭ Pucin, na zdymkach vidać kałony aŭtamašyn-zapraŭščykaŭ, jakija raściahnulisia na dziesiatki kiłamietraŭ.

«Z vyšyni 4-5 tysiač mietraŭ jany sychodziać za haryzont. Vyhladaje heta jak naftapravodnyja sistemy», — rastłumačyŭ rasijski prezident, dadaŭšy, što abmierkavaŭ hetaje pytańnie z kalehami ź inšych krain.

U Kramli pierakananyja, što «Isłamskaja dziaržava» takim čynam atrymlivaje finansavańnie ad 40 krain śvietu, i ŭ hetym śpisie jość krainy, jakija ŭvachodziać u G20, zaŭvažyŭ Pucin.

Pry hetym Pucin pryznaŭsia, što raźličvaje na praciah sumiesnaj pracy ź lidarami krain G20, jakaja «nadzvyčaj važnaja dla baraćby z teraryzmam». Adnoj z mahčymych mier Pucin ličyć stvareńnie mižnarodnaj antyterarystyčnaj kaalicyi.

«ZŠA pieršapačatkova admovilisia supracoŭničać u baraćbie ź ID, ale ciapier prychodzić uśviedamleńnie nieabchodnaści sumiesnych dziejańniaŭ», — dadaŭ Pucin.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?