Ludzi va ŭsim śviecie niedastatkova infarmavanyja pra dziejańnie antybijotykaŭ na arhanizm. Da takoj vysnovy pryjšli ekśpierty Suśvietnaj arhanizacyi achovy zdaroŭja (SAAZ).

Fotolia

Fotolia

Daśledavańnie pravodziłasia ŭ 12 krainach, u tym liku ŭ Rasii. U im pryniali ŭdzieł 10 tysiač čałaviek. Pavodle atrymanych vynikaŭ, 64% apytanych pierakananyja, što antybijotyki dapamahajuć vylečyć prastudu i hryp. Siarod rasiejcaŭ takoha mierkavańnia prytrymlivajucca 67%.

Bolš za toje, kala traciny respandentaŭ ličać, što možna spynić prymać antybijotyki pry pieršych prykmietach palapšeńnia stanu, heta značyć jašče da zakančeńnia kursu pryjomu lekaŭ. A čverć apytanych hatovaja prymać antybijotyki, jakija paraili im siabry ci blizkija, kali ŭ tych byli padobnyja simptomy zachvorvańnia.

Na dumku ekśpiertaŭ SAAZ, nasielnictva niedastatkova infarmavanaje ab tym, što ŭstojlivaść bakteryj da antybijotykaŭ raście.

«Choć ludzi pryznajuć najaŭnaść prablemy, jany nie ŭ poŭnaj miery razumiejuć jaje pryčyny i što jany mohuć u hetaj suviazi zrabić», — havorycca ŭ daśledavańni.

Antybijotyki zdolnyja zabivać mikroby i bakteryi, ale jany nie akazvajuć uździejańnia na virusy. SAAZ nahadvaje, što niapravilnaje vykarystańnie supraćmikrobnych preparataŭ paskaraje źjaŭleńnie lekava ŭstojlivych štamaŭ, što pryvodzić da taho, što zmahacca ź infiekcyjami stanovicca ŭsio ciažej.

U kastryčniku źjavilisia vyniki inšaha daśledavańnia, zhodna ź jakim u ZŠA štohod pamirajuć bolš za 6 tysiač čałaviek z-za źnižeńnia efiektyŭnaści antybijotykaŭ. U ramkach hetaha daśledavańnia hrupa navukoŭcaŭ z roznych amierykanskich instytutaŭ pryjšła da vysnovy, što da pałovy viadomych bakteryj, jakija vyklikajuć paślaapieracyjajnyja infiekcyi, prajaŭlajuć rezistentnaść da dziejańnia antybijotykaŭ, što ŭžyvajucca ŭ ZŠA.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?