U studzieni—kastryčniku vałavy ŭnutrany pradukt Biełarusi skłaŭ u biahučych cenach 716,5 trłn. rubloŭ i źniziŭsia ŭ paraŭnańni sa studzieniem—kastryčnikam 2014 hoda ŭ supastaŭnych cenach na 3,9%, paviedamlaje Nacyjanalny statystyčny kamitet.
Indeks-deflatar VUP za dziesiać miesiacaŭ 2015 hoda ŭ dačynieńni da anałahičnaha pieryjadu minułaha hoda skłaŭ 116,1%.
Aficyjny hadavy prahnoz rostu VUP składaje 0,2—0,7%. U 2014 hodzie rost VUP skłaŭ 1,6% pry prahnozie 3,3%.
Pavodle danych Biełstata, vałavy rehijanalny pradukt za studzień—kastryčnik źniziŭsia ŭ dačynieńni da anałahičnaha pieryjadu minułaha hoda va ŭsich abłaściach krainy. U pryvatnaści, u Bresckaj vobłaści jon skłaŭ 65,9 trłn. rubloŭ, ci 9,2% VUP, źniziŭšysia na 5%, u Viciebskaj vobłaści — 58,6 trłn. rubloŭ, ci 8,2% VUP, źniziŭšysia na 5,4%, u Homielskaj vobłaści — 77,8 trłn. rubloŭ, ci 10,9% VUP, źniziŭšysia na 4,4%, u Hrodzienskaj vobłaści — 55,9 trłn. rubloŭ, ci 7,8% VUP, źniziŭšyŭsia na 4,7%, VRP Minska skłaŭ 183,2 trłn. rubloŭ, ci 25,6% VUP, źniziŭšysia na 5,2%, VRP Minskaj vobłaści — 11,2 trłn. rubloŭ, ci 15,5% VUP, źniziŭšysia na 0,9%, VRP Mahiloŭskaj vobłaści — 48,7 trłn. rubloŭ, ci 6,8% VUP, źniziŭšysia na 4,1%.
