«Biełarusy, baroniačy siońnia Ukrainu, baroniać i Biełaruś, — havorycca ŭ zajavie, źmieščanaj na staroncy «Zhurtavańnia patryjotaŭ» u fejsbuku. — Majem supolnaha voraha — imperskuju Maskvu. Pieramoha Ukrainy — heta nadzieja dla Biełarusi, što zaŭtra pucinski režym nie pryjdzie z vajnoj ŭ naš dom», — pišuć jany.
«Zaklikajem ułady Biełarusi spynić chłuślivuju prapahandu z Maskvy, pad upłyvam jakoj viarbujuć hramadzian Biełarusi ŭ šerahi niezakonnych vajskovych farmavańniaŭ sieparatystaŭ. Usie vajujučyja na baku sieparatystaŭ pavinny być pryciahnuty da adkaznaści», — pišuć jany.
Raniej siońnia ministr unutranych spraŭ Biełarusi Ihar Šunievič zajaviŭ, što MUS źbiraje materyjały na tych asob, što brali ŭdzieł u vajennych dziejańniach na Danbasie. U raspracoŭcy MUS — kala 20 čałaviek. Usiaho ŭ Danbasie vajavali kala sta čałaviek, pavodle acenki MUS.
«Dla nas niavažna, na čyim baku vajuje čałaviek — nam važna, što čałaviek parušaje naš biełaruski zakon. Tamu ŭ hrupie, pra jakuju ja kazaŭ, jość i tyja, chto vajuje na baku ŭradu Ukrainy, tak i tyja, chto vajuje na baku DNR/ŁNR. Ja dumaju, što najpierš budzie razhladacca najaŭnaść składu złačynstva «Najomnictva», — skazaŭ Šunievič.
Raniej žurnalisty aceńvali kolkaść tych biełarusaŭ, što vajavali va Ukrainie, u niekalki dziasiatkaŭ z abodvuch bakoŭ.
