Zabastoŭka dalnabojščykaŭ ŭ Dahiestanie, jakaja doŭžycca ŭžo amal tydzień na trasie ŭ Kajakienckim rajonie respubliki, pryviała da źbićcia kiroŭcy, jak miarkujecca, hramadzianina Biełarusi. Incydent adbyŭsia ŭ noč na 18 listapada, paviedamlaje Lifenews.
Uzdoŭž trasy va ŭmoŭlenym miescy zabastoŭki sabrałasia bolš za 150 vialikahruznych mašyn. Pa ahulnaj damoŭlenaści da stački pavinny byli dałučacca ŭsie dalnabojščyki, jakija prajazdžali mima.
Minułaj nočču kiroŭca hruzavika ź biełaruskimi numarami pasprabavaŭ abjechać čarhu, ale jaho spynili i paprasili dałučycca da akcyi chacia b na paru hadzin. Dalnabojščyk admoviŭsia padtrymać kaleh, što pryviało da svarki, padčas jakoj jon udaryŭ adnaho z šafioraŭ mantyroŭkaj pa hałavie.
«Adzin z kiroŭcaŭ pasprabavaŭ abyjści ŭsich i źjechać. Chłopcy jaho spynili. Ale jon prałamaŭ hałavu adnamu i źjechaŭ. My pajechali ŭśled za im», — raspaviadaŭ śviedka.
Paśla karotkaj pahoni miascovyja dalnabojščyki nahnali «štrejkbrechiera», vyciahnuli z kabiny i źbili. Palicyjantam ledź udałosia ich raźniać. Adnak pa vynikach razboru pravaachoŭniki nikoha zatrymlivać nie stali.
Videa incydentu možna pahladzieć tut.
