Prezident Jeŭrakamisii Žan-Kłod Junkier prapanavaŭ prezidentu Rasii Uładzimiru Pucinu bolš ciesnyja handlovyja ŭzajemaadnosiny pamiž ES i Mytnym sajuzam u vypadku prahresu z vykanańniem spynieńnia ahniu na Danbasie.
Junkier ahučyŭ hetuju prapanovu ŭ liście, jaki nakiravaŭ Pucinu na hetym tydni, pieradaje DW sa spasyłkaj na Reuters.
U liście Junkiera padkreślivajecca važnaść dobrych adnosin pamiž ES i Maskvoj, «jakija, na vialiki žal, nie było mahčymaści raźvivać na praciahu apošniaha hoda».
Pres-sakratar Jeŭrakamisii paćvierdziła, što Junkier napisaŭ Pucinu list paśla niepraciahłaj sustrečy na samicie G20, adnak nie braŭ na siabie nijakich novych abaviazacielstvaŭ u im.
Ministr zamiežnych spraŭ Litvy Linas Linkiavičus zajaviŭ, što ździŭleny listom Junkiera, jaki nie adlustroŭvaje mierkavańnie siabroŭ ES i nijakim čynam nie zhadvaje sankcyi ES suprać Rasii za anieksiju Kryma i destabilizacyju na Danbasie.
