Astranomam z ZŠA i Aŭstralii ŭpieršyniu stali dastupnyja zdymki ekzapłaniety, jakaja farmirujecca. Vyniki svaich daśledavańniaŭ aŭtary apublikavali ŭ časopisie Nature, a koratka pra ich paviedamlajecca na sajcie Sidnejskaha univiersiteta.

Ekzapłanieta, što farmirujecca, abaračajecca vakoł zorki LkCa 15, jakaja znachodzicca na adlehłaści 450 śvietłavych hadoŭ ad Ziamli. Płanieta akružanaja hazapyłavym dyskam. Ad jaho, jak pakazvajuć nazirańni, ekzapłanieta zachoplivaje materyju dla svajho farmiravańnia.

Raniej navukoŭcy pry nazirańni amal 1,9 tysiačy takich niabiesnych cieł nie vyjaŭlali jakija-niebudź źmieny ŭ ich pabudovie. U praviadzieńni vysokadakładnych nazirańniaŭ ź ziamnych absiervatoryj navukoŭcam pieraškadžajuć atmaśfiernyja źjavy.

Źnizić ich upłyŭ i adsačyć evalucyju ekzapłaniety astranomam udałosia, vykarystoŭvajučy LBT (Large Binocular Telescope, Vialiki binakularny teleskop), raźmieščany ŭ Aryzonie, a paćvierdzić nazirańni — pry dapamozie adaptyŭnaj aptyčnaj sistemy Magellan Telescope (Mahiełanaŭ teleskop) u Čyli.

Ekzapłanieta LKCA 15 b adkrytaja ŭ 2011 hodzie. Jana raźmieščanaja na adlehłaści kala 16 astranamičnych adzinak ad śviaciła, vakoł jakoha abaračajecca ź pieryjadam kala 27 hadoŭ. Ekzopłanieta prykładna ŭ šeść razoŭ ciažejšaja za Jupiter.

Клас
Панылы сорам
Ха-ха
Ого
Сумна
Абуральна