Apieratar MTS infarmuje pra źmieny ŭ struktury i košcie taryfnych płanaŭ i niekatorych dadatkovych servisaŭ z 30 listapada 2015 hoda.
U suviazi z chutka rastučaj patrebaj abanientaŭ u mabilnym internecie MTS z 30 listapadza 2015 hoda značna pavialičyć pakiety miehabajt na ŭsich taryfnych płanach liniejki «MTS smart», aryjentavanych u pieršuju čarhu na aktyŭnych karystalnikaŭ smartfonaŭ. Akramia hetaha, na ŭsich prapanovach liniejki pavialičycca i kolkaść uklučanych u abanienckuju płatu chvilin na razmovy ŭnutry sietki.
Pačynajučy z 30 listapada abanienty taryfnaha płanu «MTS smart mini» buduć atrymlivać pa 500 MB mabilnaha internetu i 500 chvilin na zvanki ŭnutry sietki kožny miesiac. Akramia hetaha, košt razmovaŭ z abanientami inšych apierataraŭ i ŭ sietcy MTS zvyš pakieta na hetym taryfie budzie źnižana. Taksama karystalnikam «MTS smart mini» na pastajannaj asnovie stanie dastupnaja pasłuha «Usie sietki», jakaja dazvalaje pieraŭtvaryć uklučanyja ŭ pakiet chviliny ŭnutry sietki ŭ chviliny ŭ lubyja sietki Biełarusi.
Takim čynam, z 30 listapada mahčymaść pieraŭtvarać chviliny ŭnutry sietki, pradastaŭlenyja ŭ ramkach taryfnaha płanu, u chviliny va ŭsie sietki źjavicca va ŭsich abanientaŭ prapanoŭ «MTS smart mini», «MTS smart» i «MTS smart+». Ukaranieńnie servisu «Usie sietki» na samych aktualnych taryfnych płanach MTS źjaŭlajecca častkaj stratehii apieratara na biahučy hod pa realizacyi kancepcyi adzinaha taryfu na zvanki.
U abanienckuju płatu taryfnaha płanu «MTS smart» z 30 listapada budzie ŭvachodzić 1000 chvilin na zvanki ŭnutry sietki i 1 HB mabilnaha internetu. Košt razmovaŭ u sietcy MTS zvyš pakieta budzie źnižany.
Karystalniki taryfnaha płanu «MTS smart+» zmohuć raschodavać ŭ ramkach štomiesiačnaha pakieta 2000 chvilin unutry sietki i 2 HB mabilnaha internetu. Na hetym taryfie cana na zvanki ŭ sietcy MTS zvyš pakieta taksama budzie źnižanaja.
Na taryfnym płanie «MTS smart haściavy» uklučanyja ŭ abanienckuju płatu pakiety buduć pavialičany da 1000 chvilin i 1 HB mabilnaha internetu.
Akramia hetaha, MTS palepšyć servis «smart-box», jaki dazvalaje abanientam taryfaŭ «MTS smart mini», «MTS smart» i «MTS smart +» nazapašvać niezraschodavanyja chviliny i miehabajty. Z 30 listapada limit nazapašvańnia budzie pavialičany z 3000 MB mabilnaha internetu i 3000 chvilin da 4 HB internet-trafiku i 4000 chvilin.
MTS nahadvaje, što karystalniki bolšaści taryfnych płanaŭ MTS mohuć pierajści na lubuju prapanovu liniejki «MTS smart» biaspłatna. Abanienty, jakija padklučacca abo źmieniać biahučy taryfny płan na adzin z taryfaŭ «MTS smart» pa 31 studzienia 2016 hoda ŭklučna, mohuć pryniać udzieł u akcyi «Internet non-stop» i atrymać bieź pierapłaty 3 kalandarnych miesiaca mabilnaha internetu biez abmiežavańnia pa abjomie.
***
30 listapada abanienckaja płata na bolšaści taryfnych płanaŭ MTS budzie pavialičana.
Na ŭsich taryfach, akramia liniejki «MTS smart», košt razmovaŭ i pieraadrasavanych vyklikaŭ unutry sietki padvysicca. Cana na internet-trafik zvyš pakietaŭ, uklučanych u abanienckuju płatu, zastaniecca na ŭsich taryfnych płanach raniejšaj. Košt SMS i SMS-pakietaŭ budzie pavyšany na ŭsich prapanovach, akramia taryfaŭ «Vydatny» i «Lohka skazać» — na ich SMS-paviedamleńni stanuć, naadvarot, tańniejšymi.
Taksama z 30 listapada budzie źmienieny košt niekatorych dadatkovych i servisnych pasłuh MTS. U pryvatnaści cana na internet-opcyi budzie skarekciravanaja ŭ bok pavyšeńnia. Akramia hetaha, buduć pavyšanyja taryfy na padklučeńnie takich pasłuh, jak «Abiacany płaciož 30», «Terminovy kredyt 100», «Terminovy bieźlimit», a taksama na pakiety dadatkovych chvilin u ramkach karparatyŭnych taryfaŭ. Taksama źmieniacca ceny na bolšaść infarmacyjna-zabaŭlalnych servisaŭ.
***
MTS taksama paviedamlaje, što z 30 listapadv 2015 źmieniacca ŭmovy karystańnia taryfnymi płanami liniejki «Chatni kanekt».
Na ŭsich prapanovach liniejki «Chatni kanekt» da isnujučych kvotaŭ na trafik na pastajannaj asnovie buduć dadadzienyja pasłuhi mabilnaj suviazi — pakiety biaspłatnych chvilin i mabilnaha internetu na vybar. Karystalnikam budzie pradastaŭlena dva bonusy — «Bolš znosin» i «Bolš Internetu». Bonus «Bolš znosin» uklučyć u siabie 300 chvilin na zvanki ŭnutry sietki MTS i 500 MB mabilnaha internetu. U pakiet «Bolš Internetu» ŭvojdzie 100 chvilin na zvanki ŭnutry sietki MTS i 1,5 HB trafiku. Atrymać abrany bonus budzie možna z dapamohaj USSD-zapytu.
Akramia hetaha, na ŭsich prapanovach liniejki «Chatni kanekt» z 30 listapada buduć dziejničać abnoŭlenyja taryfy.
