Ułady Mali paviedamili, što ŭzbrojenyja ludzi, jakija raniej ŭvarvalisia ŭ hatel Radisson Blu ŭ stalicy krainy Bamako, bolš nie ŭtrymlivajuć zakładnikaŭ.

EPA

EPA

Pavodle paviedamleńnia Rejter, miratvorcy AAN, jakija prarvalisia ŭ budynak, znajšli cieły 27 čałaviek.

«U ich bolš niama zakładnikaŭ, i śpiecsłužby ciapier łoviać napadnikaŭ», — skazaŭ ministr dziaržbiaśpieki Salifu Traore.

Miž tym, pa paviedamleńni minabarony krainy, niekatoryja bajeviki znachodziacca na vierchnich pavierchach haścinicy i praciahvajuć akazvać supraciŭ siłam biaśpieki. Jak paviedamlajuć ułady, zahinuli pa mienšaj miery try čałavieki, dvoje atrymali ranieńni. Adzin z zabitych — člen parłamienta ŭ bielhijskim rajonie Vałonija.

Prezident krainy padziakavaŭ ŭ «Tvitary» siłam biaśpieki Mali i inšych krain za padtrymku ŭ vyrašeńni kryzisu.

Uzbrojenyja ludzi raniej napali na hatel, uziaŭšy ŭ zakładniki 170 čałaviek.

Adkaznaść za napad uziała na siabie ekstremisckaja hrupoŭka, što dva hady tamu adkałołasia ad pradstaŭnictva hrupoŭki «Al-Kaida» u Paŭnočnaj Afrycy, jakuju ŭznačalvaje Muchtar Bielmuchtar. Telekanał «Al-Džazira» paviedamiŭ, što ŭ jaho majecca videazvarot bajevikoŭ. Džychadzisty patrabujuć vyzvaleńnia členaŭ svajoj hrupoŭki i spynieńnia napadaŭ na svaje siły na poŭnačy Mali.

Dla šturmu hatela francuzskija ŭłady nakiravali ŭ Mali elitny śpiecnaz nacyjanalnaj žandarmieryi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?