Pajšoŭ čaćviorty miesiac papiaredniaha śledstva pa spravie Uładzimira Bieražkova. Spačatku situacyja raźvivałasia burna, eks-hienieralny mieniedžar «Dynama» byŭ abvinavačany ŭ kradziažy bolš adnaho miljarda rubloŭ. Śledčy kamitet navat sabraŭ z hetaj nahody śpiecyjalnuju pres-kanfierencyju. Adnak paśla ŭsio ścichła. Novych abvinavačvańniaŭ niama, ale i ŭ sud sprava nie pieradajecca. Tribuna.com źviazałasia z synam Bieražkova Mikitam z prośbaj prakamientavać situacyju.
Mikita Bieražkoŭ. Fota pressball.by
— Toje, što ciapier adbyvajecca, možna nazvać adnym słovam - žeść. U SIZA jość sakretnaje praviła: «ekanamičnyja» siadziać z «ekanamičnymi», zeki — z zekami. Dyk voś, ekanamičnych na majho baćku nie chapiła, dvuch maciorych padsadzili. Nie, jon nie skardzicca… kab horš nie stała. Heta majo serca kryvioju ablivajecca. Viedajecie, u mianie niamała siabroŭ u pravaachoŭnych orhanach. Jany kažuć, što navat palitviaźniaŭ tak nie łamali.
— Dzie ty ciapier znachodzišsia?
— U Maskvie. Źjechaŭ paśla taho, jak adčuŭ siabie ŭ niebiaśpiecy. U adzin dzień patelefanavali adrazu troje i papiaredzili, što rychtujecca zatrymańnie. Karystajučysia vypadkam, chacieŭ by skazać nastupnaje: nikoli, ni ŭ adnym svaim intervju ja nie najazdžaŭ na ŭładu. Naadvarot, zaŭsiody prasiŭ nie palityzavać hetuju spravu. Kali kahości ŭvioŭ u zman svaimi vykazvańniami — prabačcie. Alaksandr Łukašenka nie maje nijakaha dačynieńnia da zatrymańnia baćki. Ja ŭsialak padtrymlivaju dziejučaha prezidenta i navat prahałasavaŭ za jaho na vybarach.
