Pra heta paviedamili ŭ pres-słužbie kampanii.
Pavyšeńnie taryfaŭ zakranie abanienckuju płatu taryfnych płanaŭ, vychodnyja nacyjanalnyja hałasavyja vykliki, mižnarodnyja vykliki (za vyklučeńniem liniejki PRYVIET), taryfy na śpiecyjalnyja i dadatkovyja pasłuhi, premium-SMS, pasłuhi pieradačy danych i roŭminh.
Abanienckaja płata na bolšaść taryfnych płanaŭ vyraście na Br3-8 tys. Naprykład, na taryfnych płanach Smart 1, Smart 2 i Smart 3 pavyšeńnie składzie Br8 tys.
Adnačasova buduć istotna madyfikavany papularnyja pradukty dla smartfonaŭ: u dva i bolš razy pavialičycca abjom uklučanaha ŭ abanienckuju płatu hałasavoha trafika i ad 11 pracentaŭ da 45 pracentaŭ źnizicca košt unutrysietkavych vyklikaŭ na taryfnych płanach Biźnies+, BUSINESS.PRO, Smart Premjera, Smart 1, Smart 2, Smart 3.
«Niahledziačy na istotnyja kapitalnyja ŭkładańni ŭ darahoje impartnaje abstalavańnie i značny rost vydatkaŭ, źviazany sa źmianieńniem abmiennaha kursa nacyjanalnaj valuty, kampanija velcom nie pravodziła karekciroŭki taryfaŭ u 2015 hodzie, akazvajučy pasłuhi pa cenach 2014 hoda. Dalejšaje ŭtrymańnie taryfaŭ na ŭzroŭni 2014 hoda mahło b akazać niehatyŭny ŭpłyŭ na inviestycyjnyja mahčymaści kampanii, tamu z 1 śniežnia budzie praviedziena karekciroŭka koštu pasłuh suviazi», — rastłumačyli ŭ kampanii.
Na praciahu 2015 hoda kampanija velcom pradoŭžyła invieściravać u raźvićcio infrastruktury, pašyreńnie hieahrafii pakryćcia, palapšeńnie jakaści pasłuh suviazi, ukaranieńnie novych servisaŭ. Pa vynikach dziesiaci miesiacaŭ 2015 hoda zdadziena ŭ ekspłuatacyju 195 novych abjektaŭ suviazi, što dało mahčymaść zabiaśpiečyć 93,8 pracenta nasielnictva pasłuhami 3G na bazie technałohij HSPA+/HSDPA.
