Prezident Rasii Uładzimir Pucin 26 listapada sustreniecca sa svaim biełaruskim kaleham Alaksandram Łukašenkam, pieradaje RBK.
Jak paviedamiŭ pamočnik rasijskaha prezidenta Juryj Ušakoŭ, było ŭzhodniena, što pieršy zamiežny vizit biełaruskaha lidara paśla pieravybrańnia na pasadu prezidenta projdzie mienavita ŭ Rasiju.
Adnoj z tem sustrečy stanie stvareńnie rasijskaj avijabazy ŭ Biełarusi.
Vidavočna, što hetaja tema jašče nie da kanca zakrytaja, padkreśliŭ Ušakoŭ.
Jak paviedamlałasia, svoj pieršy paśla prezidenckich vybaraŭ aficyjny vizit Alaksandr Łukašenka maje namier ździejśnić u Rasiju pa zaprašeńni prezidenta RF Uładzimira Pucina. Majučy adbycca vizit abmiarkoŭvaŭsia 16 listapada ŭ čas sustrečy Łukašenki z nadzvyčajnym i paŭnamocnym pasłom Rasii ŭ Biełarusi Alaksandram Surykavym.
Kiraŭnik dziaržavy zajaviŭ, što «hatovy da surjoznaj hutarki na temu biełaruska-rasijskich adnosin».
«Jość pra što pahavaryć, i adkryta pahavaryć, kab u nas nie było nijakich niedamovak, — skazaŭ jon. — Davajcie adkryta abmiarkujem našy i prablemnyja pytańni, kali jany jość, i paznačym pierśpiektyvu».
Pavodle słoŭ Alaksandra Łukašenki, da jaho sustrečy z Uładzimiram Pucinym možna budzie padkarektavać asobnyja kirunki dvuchbakovaha supracoŭnictva, z tym «kab źniać niekatoryja naściarožanaści».
