U Breście razhladajuć pytańnie ab prypynieńni pracy basiejnaŭ u daškolnych ustanovach z metaj ekanomii biudžetnych srodkaŭ.
«Na siońniašni dzień usie 11 basiejnaŭ u daškolnych ustanovach adukacyi horada pracujuć. Ale pryniaćcie rašeńnia pra časovaje ich začynieńnie nie vyklučana, kali heta budzie ekanamična metazhodna», — paviedamiŭ načalnik adździeła adukacyi, sportu i turyzmu Bresckaha harvykankama Anatol Naskoŭ.
Pry hetym jon padkreśliŭ, što havorka ab prypynieńni pracy školnych basiejnaŭ nie idzie.
Jak raniej paviedamlałasia, z 17 listapada pa rašeńni harvykankama «ŭ metach aptymizacyi raschodavańnia enierhietyčnych resursaŭ i ekanomii biudžetnych srodkaŭ» u Breście pačali vyklučać usio vuličnaje aśviatleńnie z 0.00 da 5.00.
18 listapada na aficyjnym sajcie harvykankama była raźmieščanaja infarmacyja, što adklučać vuličnaje aśviatleńnie buduć z 1.00 da 5.00 u budnyja dni. U noč ź piatnicy na subotu i z suboty na niadzielu aśviatleńnie budzie ažyćciaŭlacca ŭ zvyčajnym režymie.
Bresckija sacyjał-demakraty nakiravali skarhi va UUS Bresckaha abłvykankama i prakuraturu horada z nahody adklučeńnia ŭ metach ekanomii vuličnaha aśviatleńnia horada ŭ načny čas. Na sajcie www.change.org jany skłali elektronnuju pietycyju z patrabavańniem admianić rašeńnie miascovych uład.
