Ministr unutranych spraŭ Litvy Saŭlus Skviernialis padaŭ u adstaŭku paśla ŭciokaŭ z-pad varty zatrymanaha, jaki vykraŭ u palicyi aŭtamat.
Adpaviednaje prašeńnie jon nakiravaŭ kiraŭniku ŭrada Alhirdasu Butkiavičusu, patłumačyŭšy, što sychodzić «pierad abliččam ahulnaj hłabalnaj pahrozy dziela hramadskich intaresaŭ i stabilnaści ŭ krainie».
Raniej z krytykaj kiraŭnika MUS vystupili prezident krainy i śpikier Siejma.
U pryvatnaści, śpikier Łareta Hraŭžynienie abvinavaciła ministra ŭ tym, što ŭ viečar uciokaŭ zatrymanaha mužčyny Skviernialis spaŭ, kali jana patelefanavała ministru, kab daviedacca padrabiaznaści taho, što adbyłosia. U adkaz kiraŭnik MUS skazaŭ, što śpikier Siejma zaminała jamu pracavać i pavodziła siabie nieadekvatna.
Adnak priemjer-ministr raźličvaje, što Skviarnialis pieradumaje.
«Premjer pracu Skviernialisa aceńvaje stanoŭča i spadziajecca, što jon źmienić svajo rašeńnie adnosna adstaŭki», — pryvodziać litoŭskija ŚMI słovy pres-ataše kiraŭnika ŭrada Evieliny Butkucie-Łazdaŭskienie.
