«Mova Nanova» i Biełaruski Kalehium łaskava zaprašajuć na publičnuju lekcyju biełaruskaha historyka Aleha Dziarnoviča «Heta i naša Reč Paspalitaja: Šmat sensaŭ Respubliki», jakaja adbudziecca 24 listapada ŭ halerei Ŭ (praśpiekt Niezaležnaści, 37a). Pačatak – 18.30. Uvachod volny.
Kudy b na abšarach byłoj Rečy Paspalitaj nie pryviali b našyja maršruty padarožnikaŭ, my niepaźbiežna znojdziem ślady łučnaści kulturnaj prastory. Ale siońnia biełaruskija, ukrainskija, a taksama litoŭskija školniki sa staronak svaich padručnikaŭ navučajucca ŭzajemnym pretenzijam. Kožny z bakoŭ moža vystavić, najpierš da Polščy, śpis fundamientalnych kryŭdaŭ. Niekatoryja ź ich buduć spraviadlivymi. Tym časam, asabliva ŭ Biełarusi i Ukrainie, nie navučajuć pačućciu honaru za tradycyi miascovaha samakiravańnia i supolnaha parłamientaryzmu.
Hramadzianskaja kultura ŭ Rečy Paspalitaj była prynaležnaściu nie tolki šlachty, jakuju taksama nazyvali narodam palityčnym. Vielmi mocna tradycyi samakiravańnia źnitoŭvali miaščanskija hramady. Žychary i hramadzianie Rečy Paspalitaj pieražyvali momanty tryumfu i kančatkovaj parazy. Ale ich histaryčna-palityčny dośvied składaje istotnuju častku ahulnajeŭrapiejskaj demakratyčnaj historyi. Taksama płanujecca dyskusija, dzie buduć zakranutyja nastupnyja pytańni: jaki status maje Reč Paspalitaja ŭ biełaruskaj historyi? Nakolki demakratyčnaj była Respublika? Što dla sučasnych biełarusaŭ karysnaha i pavučalnaha ŭ historyi Rečy Paspalitaj?
