Pa vynikach pravierak Raśsielhasnahladam ŭ pieryjad z 19 pa 23 kastryčnika viedamstva pryniało rašeńnie prypynić pastaŭki małočnaj i rybnaj pradukcyi z 13 pradpryjemstvaŭ Biełarusi. Pra heta havorycca ŭ paviedamleńni rasijskaha viedamstva.
«Pa vynikach infarmacyi, atrymanaj u chodzie inśpiekcyi biełaruskich pradpryjemstvaŭ, Raśsielhasnahlad prainfarmavaŭ vieterynarnuju słužbu Biełarusi ab nieabchodnaści ŭvieści časovyja abmiežavańni na pastaŭki pradukcyi z 13 z 15 prainśpiektavanych pradpryjemstvaŭ: vaśmi rybapierapracoŭčych pradpryjemstvaŭ i piaci pa vytvorčaści hatovaj małočnaj pradukcyi», — havorycca ŭ paviedamleńni.
Jak viadoma, raniej Rasija abmiažoŭvała pastaŭki biełaruskaj małočki, hruzinskich minieralnych vod i małdaŭskaha vina i sadaviny. Usia hetaja pradukcyja vyłučajecca vydatnaj jakaściu, a zabarony supadali ź pieryjadami palityčnych kanfliktaŭ miž krainami.