Hałoŭny trenier biełaruskaj futbolnaj zbornaj, były hulec kijeŭskaha «Dynama» Alaksandr Chackievič aštrafavany va ŭkrainskaj stalicy za niapravilnuju parkoŭku.
Jak paviedamiła 20 listapada pres-słužba Patrulnaj palicyi Ukrainy, patrulnyja zaŭvažyli na vulicy Saksahanskaha ŭ centry horada čyrvony Mercedes Coupe, jaki pryparkavaŭsia na pałasie dla hramadskaha transpartu.
«Čałaviek, jaki znachodziŭsia ŭ aŭtamabili, paviedamiŭ, što vadziciel pajšoŭ i chutka źjavicca. Vadzicielem akazaŭsia lehiendarny hulec «Dynama», a ciapier trenier zbornaj Biełarusi Alaksandr Chackievič. Jon achvotna addaŭ dakumienty, zhadziŭsia z tym, što pryparkavaŭsia ŭ nienaležnym miescy, i z pastanovaj pa art. 122. č. 3 KoAP, jakaja praduhledžvaje štraf 510 hryŭnaŭ (383 tys. biełaruskich rubloŭ. — BiełaPAN.). A jašče — pachvaliŭ ekipaž patrulnaj palicyi za dobruju pracu. Dastojnaja reakcyja prystojnaha čałavieka!» — adznačajecca ŭ paviedamleńni palicyi.