Stali viadomyja detali terarystyčnaj pahrozy, z-za jakoj 17 listapada ŭ Hanoviery byŭ admienieny tavaryski matč Hiermanija — Hałandyja.
Niamieckija śpiecsłužby atrymali dokazy taho, što čatyry mužčyny i adna žančyna płanavali ździejśnić piać vybuchaŭ na stadyjonie i ŭ horadzie. U zavadatara hrupoŭki byŭ niamiecki pašpart.
Infarmacyja pra toje, što kala stadyjona była znojdziena mašyna chutkaj dapamohi, načynienaja vybuchoŭkaj, nie paćvierdziłasia, adnak ad francuzskich śpiecsłužbaŭ niamiecki bok daviedaŭsia, što terarysty rychtujuć vybuchi na stadyjonie.
Kab dastavić vybuchoŭku, złačyncam spatrebiłasia b sfalsifikavać dazvoł na ŭjezd u abaronienuju zonu, kudy dapuskajucca tolki palicyja, pažarnyja, chutkaja dapamoha i televizijščyki.
Taksama nie paćvierdziłasia infarmacyja ab tym, što na vakzale Hanoviera było vyjaŭlena vybuchovaje rečyva.
Rašeńnie ab admienie matču było pryniata ŭ jakaści miery zaściarohi.
Płanavałasia, što kancler Niamieččyny Anhieła Mierkiel naviedaje hetuju hulniu.
