Pradstaŭnik Biełarusi Rusłan Asłanaŭ zaniaŭ 4-je miesca ŭ finale dziciačaha «Jeŭrabačańnia» ź pieśniaj na ruskaj movie «Vołšiebstvo»), u jaho 105 bałaŭ. Pavodle umovaŭ konkursu, śpiavać treba było na dziaržaŭnaj movie krainy, dazvalałasia ŭstaŭka na anhlijskaj.
U Deścini — vydatny hołas
Vyjhrała konkurs pradstaŭnička Malty Deścini Čukuńjere ź pieśniaj Not My Soul, jana nabrała 185 bałaŭ. Druhoje miesca ŭ Miki z Armienii (pieśnia Love), u chłopčyka 176 bałaŭ. 3-je miesca ŭ Słavienii (Lina Kuduzavič, «Pieršaje kachańnie») — 112 bałaŭ.
Rasijanin Miša Śmirnoŭ zaniaŭ 6-je miesca.
Biełaruś pastaviła Armienii 12 bałaŭ, Malcie — 10, Słavienii — 8.
U finale, što prajšoŭ viečaram 21 listapada ŭ stalicy Bałharyi Safii ŭdzielničali 17 krain (Biełaruś, Rasija, Ukraina, Bałharyja, Armienija, Hruzija, San-Maryna, Malta, Ałbanija, Čarnahoryja, Sierbija, Słavienija, Makiedonija, Itałija, Niderłandy, Irłandyja, Aŭstrałija).
Dziciačaje Jeŭrabačańnie pravodzicca z 2003 hoda. Biełaruś vyjhravała konkurs u 2005 (Ksienija Sitnik) i 2007 (Alaksiej Žyhałkovič)
