12 śniežnia a 12.00 u minskaj katedry adbudziecca imša raźvitańnia z arcybiskupam Kłaŭdyjo Hudžeroci z udziełam biskupaŭ, śviataroŭ i viernikaŭ. Ab hetym napisaŭ mitrapalit Minska-Mahiloŭski Tadevuš Kandrusievič u svaim paviedamleńni.
Apostalski nuncyj Hudžeroci zapomnicca biełarusam svajoj anhažavanaściu ŭ spravy krainy. Jon naviedvaŭ palitviaźniaŭ u turmach i vioŭ pieramovy ab ich vyzvaleńni. Jon padtrymlivaŭ biełaruskuju movu i kulturu i dapamahaŭ jak śviataram, tak i śvieckim ludziam. U kaściole zachaplalisia duchoŭnaj siłaj i pracazdolnaściu hetaha vatykanskaha dypłamata.
Jahonym novym miescam pryznačeńnia stanie Ukraina.
«Katalicki Kaścioł u Biełarusi ŭdziačny jamu za jaho achviarnaje i samaaddanaje słužeńnie ŭ jakasci jak pradstaŭnika Papy i ŭmiełaha dypłamata, tak i talenavitaha pastyra, jaki słužyŭ Kaściołu i Biełarusi. Dziakujučy hetamu Kaścioł umacavaŭsia i staŭ bolš dynamičnym, a naša Baćkaŭščyna atrymała novyja mahčymasci dla razvićcia na mižnarodnaj arenie», — napisaŭ mitr. Tadevuš Kandrusievič.