Kiraŭnik Kryma Siarhiej Aksionaŭ paprasiŭ prabačeńnia pierad žycharami paŭvostrava za adklučeńnia elektryčnaści i zaklikaŭ ich nie ŭklučać abahravalniki. Pra heta havorycca ŭ zajavie kiraŭnika respubliki, raspaŭsiudžanaj jaho pres-słužbaj.
«Prynošu maim ziemlakam prabačeńni za pryčynienyja niazručnaści, — cytuje Aksionava jaho pres-słužba. — My taksama pierakanaŭča prosim krymčukoŭ nie karystacca elektranahravalnymi pryborami, tym bolš što ciopłaje nadvorje, što ŭstalavałasia na paŭvostravie, heta dazvalaje». Pa dadzienych sinoptykaŭ, na paŭvostravie siońnia da 20 hradusaŭ ciapła, ale mocny viecier.
Va ŭsich nasielenych punktach Kryma ŭviedzienyja hrafiki časovych adklučeńniaŭ elektryčnaści i padačy vady. «Na žal, u metach ekanomii elektraenierhii vuličnaje aśviatleńnie ŭ ciomny čas sutak da narmalizacyi situacyi ŭklučacca nie budzie», — dadaŭ Aksionaŭ, udakładniŭšy, što mahčymyja taksama pieraboi z mabilnaj suviaźziu i internetam.
