Prezident Ukrainy Piatro Parašenka zajaviŭ, što za stvareńniem kanfliktnych situacyj na trybunach ŭkrainskich stadyjonaŭ staić Rasija. U čas sustrečy z hulcami i trenierskim štabam zbornaj Ukrainy, pradstaŭnikami FFU, a taksama vice-prezidentam UEFA Ryhoram Surkisam kiraŭnikom dziaržavy było zakranuta pytańnie biaśpieki na stadyjonach.

Na matčy «Dynama» — «Čełsi» na čornaskurych zaŭziataraŭ byŭ ździejśnieny napad. Potym vyśvietliłasia, što čornaskuryja zaŭziatary, a nie fanaty haściej, a ŭkrainskaha kłuba. Ua.tribuna.com

«Vice-prezident UEFA Ryhor Surkis skancentravaŭ uvahu prezidenta na prablemach, jakija isnujuć va ŭkrainskim futbole, asabliva padkreśliŭšy važnaść nieadkładnaha vyrašeńnia pytańnia biaśpieki na futbolnych arenach Ukrainy ŭ adpaviednaści ź jeŭrapiejskimi futbolnymi normami. Jon taksama źviarnuŭsia z prośbaj stvaryć adpaviedny kaardynacyjny orhan dla vyrašeńnia takich pytańniaŭ.

Kamientujučy hetuju situacyju, prezident adznačyŭ, što pa jaho infarmacyi «karani hetych pravakacyj iduć nie z Ukrainy». Pavodle jaho słoŭ, jość usie padstavy kazać, što za apošnimi pravakacyjami na matčy «Dynama» - «Čełsi» ściežka viadzie ŭ Rasiju z metaj stvaryć situacyju i abvinavacić Ukrainu ŭ rasiźmie. Prezident paviedamiŭ, što daručyŭ Nacyjanalnaj palicyi i SBU staranna razabracca ŭ hetym incydencie i vykazaŭ nadzieju, što UEFA prymie ŭzvažanaje rašeńnie pa hetym epizodzie», - idzie havorka ŭ paviedamleńni na aficyjnym sajcie prezidenta Ukrainy.

24 listapada UEFA vyniesie rašeńnie pa biesparadkaŭ na matčy Lihi čempijonaŭ «Dynama» — «Čełsi», jaki adbyŭsia 24 kastryčnika ŭ Kijevie na NSK «Alimpijski».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?