U Homieli vyśviatlajecca asoba maładoha čałavieka, jaki napadaje ŭ padjezdach na dziaŭčat i ŭčyniaje hvałtoŭnyja dziejańni. U milicyju ŭžo pastupili čatyry zajavy ad paciarpiełych.
Jak paviedamili ŭ adździele infarmacyi i hramadskich suviaziaŭ UUS Homielskaha abłvykankama, havorka nie idzie pra zhvałtavańni.
Nieviadomy ŭ Centralnym rajonie Homiela pranikaje ŭ padjezd śledam za dziaŭčynaj, źbivaje jaje z noh, valić na padłohu, kranaje za roznyja častki cieła i ŭciakaje. Paciarpiełym ad 20 da 25 hadoŭ.
Prykmiety złamyśnika: na vyhlad 20-25 hadoŭ, chudarlavaha ciełaskładu, vałasy ciomna-rusyja siaredniaj daŭžyni. Byŭ apranuty va ŭcieplenuju kurtku ciomna-siniaha abo čornaha koleru sa śvietłaj ustaŭkaj na hrudziach, śpinie i rukavach, śvietła-sinija džynsy, čornyja tufli.
