Śviatło na bolšaści vulic Baranavičaŭ vyklučajuć z apoŭnačy da 5 hadzin ranicy. Takoje rašeńnie pryniaŭ harvykankam z metaj ekanomii biudžetnych srodkaŭ.
Na vulicy Telmana lichtary harać usiu noč, intex-press.by
Jak raspaviali Intex-press u Baranavickim harvykankamie, adklučać vuličnaje aśviatleńnie pačali z 17 listapada. Adnak nie na ŭsich vulicach, jak, naprykład, u Breście.
Usiu noč u Baranavičach harać lichtary na puciepravodach pa vulicach Savieckaj i Telmana, na vulicach Baranava, Fabryčnaj i na praśpiekcie Savieckim.
Na vulicach Cyjałkoŭskaha, Entuzijastaŭ, Parkavaj i praśpiekcie Mašerava vuličnaje aśviatleńnie adklučajuć nie apoŭnačy, a ŭ hadzinu nočy: dla zručnaści haradžan, jakija pryjazdžajuć u hety čas z «Atłanta».
«Ja razmaŭlaŭ z načalnikam Bresckaj DAI i jon skazaŭ: nočču Brest nie prahladajecca navat sa spadarožnika, — raspavioŭ Uładzimir Zacharčuk, namieśnik staršyni Baranavickaha harvykankama. — Naš horad sa spadarožnika ubačyć usio ž taki možna, bo vuličnaje aśviatleńnie adklučajuć nie ŭsiudy».
Pa słovach U.Zacharčuka, nijakich źmienaŭ u kryminahiennaj abstanoŭcy horada adklučeńnie vuličnaha aśviatleńnia pakul nie paciahnuła, ale haradskija ŭłady adsočvajuć hetuju situacyju.
