Prakuraturaj Mahiloŭskaj vobłaści nakiravana ŭ abłasny sud kryminalnaja sprava 59-hadovaj žycharki Białynickaha rajona, jakaja ŭčyniła zabojstva dvuch adnaviaskoŭcaŭ pry abciažarvajučych akaličnaściach i źniščeńnie čužoj majomaści ahulnaniebiaśpiečnym sposabam.
Jak paviedamiŭ namieśnik načalnika adździeła prakuratury Mahiloŭskaj vobłaści Dźmitryj Šaramiet, padčas papiaredniaha rasśledavańnia ŭstanoŭlena, što abvinavačvanaja ŭ noč z 4 na 5 červienia hetaha hoda, budučy ŭ stanie ałkaholnaha apjanieńnia, daviedaŭšysia, što jaje 46-hadovy sužyciel znachodzicca ŭ haściach u adzinokaj 60-hadovaj adnaviaskoŭki, na hlebie reŭnaści vyrašyła zabić ich.
Piensijanierka pakłała pad uvachodnyja dźviery svajoj sapiernicy pałavik z materyi i palimierny miašok, jakija padpaliła. Zatym, upeŭniŭšysia, što pačaŭsia pažar, ź miesca zdareńnia ŭciakła. U vyniku pažaru mužčyna i žančyna pamierli na miescy zdareńnia ad atručeńnia vokisam vuhlarodu. Ahniom byŭ poŭnaściu źniščany dom, što naležaŭ synu paciarpiełaj.
Dziejańni abvinavačvanaj orhanam papiaredniaha śledstva kvalifikavanyja na padstavie p. 1, 5, 6 č. 2 art. 139 KK (naŭmysnaje supraćpraŭnaje pazbaŭleńnie žyćcia (zabojstva) dźviuch asob, učynienaje ahulnaniebiaśpiečnym sposabam, z asablivaj žorstkaściu), a taksama na padstavie č. 3 art. 218 KK (naŭmysnaje źniščeńnie i paškodžańnie majomaści, učynienaje ahulnaniebiaśpiečnym sposabam, što mieła vynikam naniasieńnie ŭronu ŭ asabliva bujnym pamiery).
Za ŭčynienaje kryminalnym zakanadaŭstvam praduhledžana maksimalnaje pakarańnie ŭ vyhladzie pazbaŭleńnia voli na termin da 25 hadoŭ.
Papiaredniaje rasśledavańnie pa hetaj spravie ažyćciaŭlałasia USK pa Mahiloŭskaj vobłaści.
