Upraŭleńnie Śledčaha kamiteta pa Minsku raspačało kryminalnuju spravu za niezakonny abarot zbroi pa č. 2 art. 295 KK u dačynieńni da hramadzianina Biełarusi, zatrymanaha rana ranicaj 26 listapada na staličnym čyhunačnym vakzale sa zbrojaj i vybuchovymi rečyvami.

Pra heta paviedamiŭ načalnik adździeła infarmacyi i suviazi z hramadskaściu SK Biełarusi Siarhiej Kabakovič.

U ciapierašni čas z maładym čałaviekam, jaki moh udzielničać u bajavych dziejańniach va Ukrainie, pracujuć śledčyja. Arhanizavanyja nieabchodnyja śledčyja dziejańni, pravodziacca apieratyŭna-vyšukovyja mierapryjemstvy.

Pavodle infarmacyi dziaržaŭnaha infarmahienctva BiełTA, 26 listapada ŭ Viciebsku na pasiadžeńni Viciebskaha abłvykankama staršynia Śledčaha kamiteta Ivan Naskievič paviedamiŭ: «Nočču na čyhunačnym vakzale ŭ Minsku zatrymany małady čałaviek, jaki pry sabie mieŭ dva pašparty, zbroju, vybuchovyja rečyvy, dakumienty, jakija paćviardžajuć udzieł u bajavych dziejańniach na terytoryi Ukrainy. Razam ź nieadekvatnymi pavodzinami možna mierkavać, što ad jaho možna było čakać čaho zaŭhodna».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?