Parłamient Čačenskaj Respubliki ŭnios u Dziarždumu prajekt fiederalnaha zakona ab zabaronie zhadki ŭ srodkach masavaj infarmacyi nacyjanalnaj ci relihijnaj prynaležnaści ludziej, jakija majuć dačynieńnie da teraryzmu, havorycca ŭ paviedamleńni parłamienta ČR.
«Zakanadaŭcy respubliki syšlisia ŭ mierkavańni, što rekłamujemaja ID prychilnaść da isłamu źjaŭlajecca prapahandysckim pryjomam, zakładnikami jakoha ŭ siłu roznych pryčyn stanoviacca nieaśviečanyja hramadzianie», — rastłumačyli ŭ pres-słužbie čačenskaha parłamienta.
Čačenskija deputaty ličać niekarektnym nazyvać členaŭ hrupoŭki «Isłamskaja dziaržava» «isłamskimi terarystami» abo «pradstaŭnikami isłamskaj dziaržavy». Jany ličać, što hetymi farmuloŭki skažajucca sapraŭdnaja pryroda i sutnaść IDzIŁ, «jakaja na samoj spravie zajmajecca źvierstvami i zabojstvami mirnych hramadzian, razbureńniem śviatyń i architekturnych pomnikaŭ».
