Imia pradstaŭnika Biełarusi na mižnarodnym konkursie pieśni «Jeŭrabačańnie-2016» hledačy nazavuć 22 studzienia. Jak paviedamili ŭ pres-słužbie Biełteleradyjokampanii, finalnaje šou projdzie ŭ farmacie televizijnaha kancerta ŭ žyvym efiry telekanałaŭ «Biełaruś 1» i «Biełaruś 24».

Upieršyniu pieramožcu nacyjanalnaha adboru vyznačać hledačy z dapamohaj telefonnaha i sms-hałasavańnia ŭ čas tranślacyi šou. Pieramožca prajekta budzie aficyjnym pradstaŭnikom Biełarusi na konkursie pieśni «Jeŭrabačańnie-2016», jaki na hety raz projdzie ŭ Šviecyi.

Siońnia ŭ miedyjachołdynhu była vyznačana čarhovaść vystupleńniaŭ finalistaŭ. Pa vynikach praviedzienaj žarabjoŭki, kankursanty vystupiać u nastupnym paradku: 1. Alaksiej Hros; 2. Saša Zacharyk; 3. Valeryja Sadoŭskaja; 4. hrupa «Radyjochvala»; 5. hurt THE EM; 6. hurt NAVI; 7. Saša Ivanoŭ; 8. Nastaśsia Małaškievič; 9. Kirył Jermakoŭ; 10. NAPOLI.

Adrazu paśla žarabjoŭki ŭ Biełteleradyjokampanii adbyłasia rabočaja sustreča arhanizataraŭ prajekta z vykanaŭcami, na jakoj byli abmierkavany niekatoryja aśpiekty padrychtoŭki i praviadzieńnia finalnaha šou, a taksama jurydyčnyja pytańni supracoŭnictva miedyjachołdynha z kankursantami.

U bližejšyja dni tvorčaja hrupa prajekta pačnie zdymać vizitki dla kožnaha z 10 finalistaŭ. Arhanizatary pakul nie raskryvajuć usich tajn kancepcyi zdymak, adnak, pavodle zadumy režysiorskaj hrupy, vizitnyja kartki buduć maksimalna nabližany da farmatu mižnarodnaha «Jeŭrabačańnia».

Vizitki buduć tranślavacca ŭ efiry telekanałaŭ «Biełaruś 1» i «Biełaruś 24» jak napiaredadni finału, tak i niepasredna ŭ čas hała-kancerta.

Arhanizacyju nacyjanalnaha adboračnaha tura i dalejšuju padrychtoŭku biełaruskaha ŭdzielnika da mižnarodnaha konkursu pieśni «Jeŭrabačańnie-2016» ažyćciaŭlaje Biełteleradyjokampanija jak adziny ŭ Biełarusi člen Jeŭrapiejskaha viaščalnaha sajuza.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?