Siońnia ŭ Paryžy projdzie losavańnie finalnaj častki čempijanatu Jeŭropy pa futbole 2016 h. Pačatak a 20-j hadzinie pavodle minskaha času. Pramuju tranślacyju budzie vieści «Biełaruś-5».
300-tysiačnaja Isłandyja jedzie na Jeŭra-2016, 9,5 młn Biełaruś — nie, fota uefa.com
Upieršyniu ŭ čempijanacie voźmie ŭdzieł 24 kamandy, što buduć raźbityja na 6 hrupaŭ pa 4 zbornyja ŭ kožnaj. Dahetul na ČIE z 1996 h. hulali pa 16 zbornych.
Zbornaja Biełarusi, jak i raniej, na Jeŭra nie trapiła. U svajoj adboračnaj hrupie naša kamanda zaniała 4-je miesca, prapuściŭšy na kantynientalnaje pieršynstvo Ispaniju, Słavakiju i Ukrainu, ukraincy prabilisia tudy praz płej-of. Na Jeŭra-2016 prabilisia ŭsie zbornyja z brytanskich vyspaŭ aproč Šatłandyi, a taksama Isłandyja, Vienhryja, Ałbanija.
Pierad losavańniem usie zbornyja raźbityja na 4 košyki.
U pieršy košyk trapili zbornyja Ispanii, Hiermanii, Anhlii, Partuhalii, Bielhii. Zbornaja Francyi, jak haspadynia spabornicvaŭ, aŭtamatyčna traplaje ŭ hrupu A.
U druhi košyk adpravili zbornyja Italii, Rasii, Šviejcaryi, Aŭstryi, Charvatyi, Ukrainy.
U treci — Čechii, Šviecyi, Polščy, Rumynii, Słavakii, Vienhryi.
U čaćvierty — Turcyi, Irłandyi, Isłandyi, Uelsa, Ałbanii i Paŭnočnaj Irłandyi.
Hrupu na Jeŭra ŭtvarajuć pa kamandzie z kožnaha košyka. H.zn. što Rasija i Ukraina, ci dźvie Irłandyi u adnu hrupu nie trapiać.
Čempijanat Jeŭropy projdzie z 10 červienia pa 10 lipienia ŭ dziesiaci haradach Francyi: Paryž, Sen-Deni, Vilnioŭ d'Ask, Lil, Tułuza, Bardo, Nica, Marsel, Lijon, Sent-Etjen
Matčy 1/8 finału projduć 25—27 červienia.
Čverćfinały — 30 červienia, 1, 2, 3 lipienia, paŭfinały — 6,7 lipienia. Finał — 10 lipienia.
Hulni hrupavoha raŭndu i 1/8 finału buduć pačynacca ŭ 16:00, 19:00, 22:00 pavodle Minska (15:00, 18:00, 21:00 pavodle siaredniajeŭrapiejskha času), čverćfinały, paŭfinały, finał a 22-j hadzinie.
