Prezident Hambii Jaja Džame 12 śniežnia abviaściŭ svaju krainu isłamskaj dziaržavaj.
«Los Hambii ŭ rukach usiemahutnaha Ałacha. Ad siońnia Hambija źjaŭlajecca isłamskaj dziaržavaj. My budziem isłamskaj dziaržavaj, jakaja pavažaje pravy hramadzian», — pryvodzić słovy prezidenta jaho pres-słužba.
U śviecie isnujuć jašče čatyry isłamskija respubliki: Iran, Pakistan, Afhanistan i Maŭrytanija.
90% nasielnictva Hambii składajuć musulmanie. Kala 8% — chryścijanie, u asnoŭnym kataliki, ale jość taksama anhlikanie, mietadysty, baptysty, advientysty i vierniki šerahu jevanhielskich cerkvaŭ. Akramia taho, u krainie pražyvajuć prychilniki tradycyjnych afrykanskich vieravańniaŭ, bachaisty, induisty, Śviedki Ijehovy.
Chryścijanski partał «KRYNICA.INFO» adznačaje, što častka Hambii ŭ 1651—1661 hadach była kałonijaj hiercahstva Kurlandyja (na terytoryi Łatvii), jakoje z 1561 hoda było vasałam Vialikaha kniastva Litoŭskaha.
