U Kabule pamior druhi ispanski palicejski, jaki paciarpieŭ u vyniku napadu bajevikoŭ na pasolski kvartał u Afhanistanie.
Da hetaha ŭžo paviedamlałasia pra hibiel jašče adnaho supracoŭnika ispanskaj palicyi. Ciapier uvieś piersanał pasolstva evakuiravany.
Pavodle ahienctva Frans pres, akramia ispanskich palicejskich u vyniku napadu bajevikoŭ zahinuli čatyry miascovyja supracoŭniki pravaachoŭnych orhanaŭ. Jašče niekalki čałaviek atrymali ranieńni.
Napad na pasolski kvartał Kabuła adbyŭsia ŭ piatnicu viečaram. Spačatku bajeviki ŭzarvali aŭtamabil u reśpiektabielnym rajonie Šarpur, dzie raźmieščanyja asabniaki mnohich vysokapastaŭlenych čynoŭnikaŭ i zamiežnyja pasolstvy.
Zatym bajeviki ŭvarvalisia ŭ budynak pobač ź ispanskim pasolstvam i adkryli tam stralbu. Mierkujecca, ich metaj byŭ mienavita hety budynak, a nie ispanskaje pasolstva. Adkaznaść za toje, što zdaryłasia, ŭziaŭ na siabie ruch «Taliban».
Pavodle infarmacyi ŭładaŭ Afhanistana, siłam biaśpieki ŭdałosia zabić jak minimum čatyroch talibaŭ. Pry hetym pakul dakładna nie viadoma, kolki ŭsiaho bajevikoŭ udzielničała ŭ napadzie.
Za hety tydzień heta ŭžo druhaja bujnaja akcyja talibaŭ. U aŭtorak viečaram jany napali na aeraport u Kandahary, zabiŭšy prynamsi 50 čałaviek. Bolšaja častka zahinułych byli cyvilnymi asobami. Tyja, chto napadaŭ brali ŭ pałon cełyja siemji, jakija apynulisia na zachoplenaj terytoryi.
